ఫేజిమేకర్ తెరలోని వివిధ పరికరాలు – వాటి వివరణ

ఫేజిమేకర్ తెరలోని వివిధ పరికరాలు – వాటి వివరణ

ఇంతకుముందు మనం కేవలం టెక్స్ట్ ని మాత్రమే పేజిమేకర్ లోకి తీసుకోవడంతెలుసుకున్నా. అయితే పేజిమేకర్ లోకొన్ని రకాల లైనులు, బాక్స్లు, నక్షత్రాకారడిజైనులను సృష్టించాల్సి ఉంటుంది. పేజిమేకర్లో రకరకాల గీతలను, బాక్స్లనుసృష్టించడానికి మనకోసం రెడిమేడ్ పరికరాలు ఉంటాయి. వాటి ఆధారంతో వాటినితేలికగా సృష్టించవచ్చు.

ఇప్పుడు అలాంటివాటిని ఎలా తయారుచేయాలో చూద్దాం.
పేజిమేకర్లో రకరకాల గీతలు, బాక్స్లు ఉన్న వాటిని గీయడానికి Tool Box అనేపరికరల సముదాయం 
ఉంటుంది. పేజిమేకర్ ని తెరువగానే తెరమీద ఈ Tool Box ఉంటుంది. ఒకవేళ మీకు కనిపించకపోతే Window మెనూ మీద క్లిక్ చేసి తద్వారా వచ్చే మెనూలో Show Tool Box మీత క్లిక్ చేస్తే ఈ Tool Box మెరుపు వేగంతో తెరమీద ప్రత్యక్షమవుతుంది.


ఇప్పుడు ఈ Tool Box లో ఈ క్రింది విధంగా రకరకాల సదుపాయాలుఉంటాయి.


అందులో ఒకోదాని గురించి తెలుసుకుందాం.


 పాయింటర్ టూల్ (సెలక్స్ చేయడం)
పేజిమేకర్ లో టెక్స్ట్ తో, బొమ్మలతో, బాక్స్ లతో ఎప్పుడూ పని ఉంటుంది. ఆ బొమ్మలను, బాక్స్లను సెలక్స్ చేయాలన్నా, ఒకచోటు నుండి మరోచోటుకు తీసుకువెళ్ళాలన్నా పాయింట్ టూల్ సహాయం అవసరం. ఈ టూల్ మీద క్లిక్ చేసి, ఆ తర్వాత సంబంధిత బాక్స్ లేదా బొమ్మలతో పని ప్రారంభించాలి.


 టెక్స్ట్ టూల్
ఇక్కడ T అంటే టెక్స్ట్ అని అర్ధం. టూల్ బాక్స్ లో టెక్స్ట్ ని టైప్ చేయాలంటే ముందుగా టూల్ బాక్స్లోని ఈ  మీద క్లిక్ చేసి, ఆ తర్వాత మౌస్ ని సంబంధిత డాక్యుమెంట్ మీద ఉంచి టైప్ చేయడం ప్రారంభించాలి. ఈ టెక్స్ట్ టూల్ ద్వారా టెక్స్ట్ ని టైప్ చేయడమే కాక టెక్స్ట్ ని సెలక్స్ చేయడం, ఎడిట్ (మార్పులు, చేర్పులు చేయడం) కూడా చేయవచ్చు.

 Rotate టూల్
బొమ్మలను ప్రక్కకు, పైకి క్రిందికి ఎటువేపున్నా తిప్పడానికి rotate tool ఉపయోగపడుతుంది. అదెలాగో చూద్దాం.
ఒక బాక్స్ ని సృష్టించి దానిని సెలక్స్ చేయండి. ఆ తర్వాత Rotate toolని ఎంచుకొని మౌస్ తో ఆ బాక్స్ని నొక్కిపెట్టి కావాల్సిన కోణంలోకి లాగాలి. అలా కోరుకున్న కోణంలోకి వచ్చాక మౌస్ బటన్ ని వదిలేయ్యాలి.
కేవలం Tool Box లోని Rotate toolతో మాత్రమే కాకుండా Control Palette ద్వారా కూడా బొమ్మ లేదా మ్యాటర్ ని అటు ఇటూ తిప్పవచ్చు. అయితే Control Palette ద్వారా Rotate toolని ఆపరేట్ చేసేటపుడు మనకు ఖచ్చితంగా ఎంత శాతం తిప్పాలో పర్సంటేజి తెలుసుండాలి.

 Cropping టూల్
మనకు కావాల్సిన బొమ్మల సైజు సరిచేయడానికి ఈ tool సహాయపడుతుంది. ఉదాహారణకి బొమ్మలలో ఏదో ఒక భాగం కొద్దిగా అవసరం లేదనుకోండి. మనం ఈ tool ని ఉపయోగించి అక్కర్లేని భాగాన్ని కన్నించకుండా చేయవచ్చు.
ఈ Cropping టూల్ని ఉపయోగించేటపుడు బొమ్మని సెలక్స్ చేసినపుడు ఏర్పడే నల్లటి చుక్కల మీద కర్సర్ ని ఉంచి డ్రాగ్ చేయాలి. ఏవైపు తగ్గించాలంటే ఆ వైపు ఉన్ నల్లటి చుక్కమీద మౌస్ ఉంచి నొక్కిపెట్టి బొమ్మమీదకు లాగాలి. అప్పుడు బొమ్మలోని ఆవైపు భాగం కుదించుకుపోతుంది. ప్రాక్టీసు ద్వారా దీనిని వివరంగా తెలుసుకోవచ్చు.

 సూటిగా గీతలు (Straight Lines) గీయండం (Line Tool)
కేవలం టెక్స్ట్ నే కాకుండా మన డాక్యుమెంట్లో ఒకోసారి స్ర్టెయిట్ లైన్ గీతలు అవసరమవుతాయి. అందుకోసం టూల్ బాక్స్లోని మీద క్లిక్ చేసి డాక్యుమెంట్మీద కర్సర్ని ఉంచి మౌస్ నొక్కి పెట్టి గీతలు గీయవచ్చు.

 పై నుండి క్రిందికి గీతలు గీయడం (Rule Tool)
కేవలం సమతల గీతలే కాకుండా తెరమీద పైనుండి కిందికి సైతం గీతలు గీయాల్సి ఉంటుంది. అందుకోసం Tool Boxలోని మీద క్లిక్ చేసి ఆ తర్వాత కర్సర్ని డాక్యుమెంట్ మీద ఉంచి పై నుండి కిందకి మౌస్తో నొక్కి పెట్టి గీయవచ్చు.

 బాక్స్లు గీయడం (Boxes)
ముందుగా బాక్స్లు గీయడానికి ఏం చెయ్యాలో చూద్దాం. మీ మౌస్ని Tool Box లోని Bos Shape మీద క్లిక్ చేసి, ఆ తర్వాత మౌస్ని నొక్కిపెట్టి డాక్యుమెంట్ మీద ఒక చివర నుండి ఇంకో చివర వరకూ డ్రాగ్ (నొక్కిపెట్టి) చేసి వదలండి. మీకు బాక్స్ తయారవుతుంది.

 గుండ్రటి బాక్స్లను గీయడం (Ellipses)
దీని కోసం Tool Boxలోని మీద క్లిక్ చేసి, పైన వివరించినట్లుగానే మౌస్ని నొక్కిపెట్టి వదలండి. గుండ్రటి బాక్స్ తయారవుతుంది.

 పాలిగాన్ని గీయడం (Draw Ploygons)
పైన తెలుసుకున్న బాక్స్లు కాకుండా, రకరకాల యాంగిల్స్ గల బాక్స్ లు సృష్టించాలంటే ఈ polygon ఆప్షన్ మీద క్లిక్ చేయాలి. దీని మీద డబల్ క్లిక్ (రెండు సార్లు) చేస్తే polygon setting అనే డైలాగ్ బాక్స్ ప్రత్యక్షమవుతుంది.

పై బాక్స్లో బాక్స్ కి ఎన్ని పక్కలు (సైడ్)లు కావాలో తెలియజేసి, OK మీద క్లిక్ చేయండి. ఒకవేళ మీకు star shape కావాలంటే Star Inset బాక్స్లో మీకు కావలసినంత Value ఇచ్చి OK మీద క్లిక్ చేస్తే కావల్సిన polygon బాక్స్ తయారవుతుంది.

 పైద్దదిగా చూడటం (Zoom Tool)
తెరమీద టెక్స్ట్ ని, బొమ్మలను మన కంటికి తగినట్లుగా ఎన్నో రెట్లు (400 శాతం వరకు) పెద్దదిగా చూడటానికి ఇది ఉపయోగపడుతుంది. అలాగే అదే మ్యాటర్ ని చిన్నదిగా చేయడానికి కూడా ఈ టూల్ ఉపయోగపడుతుంది.