itsforu

Wednesday 22 February 2012

పేజిమేకర్లో ఎలిమెంట్స్ మెనూ గురించి తెలుసుకుందాం (Elements Menu)

మనం డ్రా చేసిన లైన్స్ కు, బాక్స్ లకు కలర్ అప్లై చేయాలన్నా, లైన్ల మందంపెంచాలన్నా మనకు ఈ ఎలిమెంట్స్మెనూలోని ఆప్షన్లు ఉపయోగపడతాయి. మరీ ఈమెనులో వాటి గురించి తెలుసుకుందాం.
Fill కమాండ్

ఒక బాక్స్ షేప్ గీసి దాన్ని సెలక్ట్ చేసి Fill కమాండ్లోకి వెళ్ళి అందులో ఉన్న ఆప్షన్లను క్లిక్ చేస్తే బాక్స్ లోపలి భాగంలో డిజైన్స్ అప్లయి అవుతాయి. వాటిని క్రింద గమనించండి.

లైన్ లేదా స్ర్టోక్ (Stroke)
మనం తీసుకున్న బొమ్మలు, బాక్స్లు చుట్టూ బోర్డర్ లాగా లైన్ గీస్తాం. ఆ లైన్ యొక్క మందం ఈ మెనూ ద్వారా పెంచుకోవచ్చు, తగ్గిచ్చుకోవచ్చు. Element>Stroke మీద క్లిక్ చేస్తే క్రింది విధంగా కనిపిస్తుంది.

వాటిలో మీకు ఎంత మందం కావాలో సెలక్టు చేసుకోవచ్చు. అంతే కాకుండా Custom ఆప్షన్ ద్వారా మీకు కావలసినంత మందంను కూడా సెట్ చేసుకోవచ్చు.
ఉదా: 3 లైన్ల మ్యాటర్ టైప్ చేసి, ఒక బాక్స్ గీసి దానికి 2pt. మందం అప్లయి చేయండి. టైప్ చేసిన మ్యాటర్ లేయర్ను ఆ బాక్స్లోకి తీసుకురండి. అప్పుడు క్రింది విధంగా ఉంటుంది.

Fill and Stroke
Element>Fille and Stroke క్లిక్ చేయడం ద్వారా ఈ క్రింది ఆప్షన్ను పొందవచ్చు.
Shortcut : Ctrl+U

Arrange
ఈ కమాండ్ ద్వారా మనం రెండు లేదా అంత కంటే ఎక్కువ లేయర్లను తీసుకున్నపుడు వాటిని క్రిందికి, పైకి మార్చుకోవడానికి ఈ కమాండ్ ఉపయోగపడుతుంది. వీటిలో ఉపయోగపడే ఆప్షన్లు గురించి తెలుసుకుందాం.

Bring to Front ( Shift+Ctrl+] )
ఒక లేయర్ని(టెక్ట్స్, ఇమేజ్, బాక్స్ ఏదైనా సరే) సెలక్ట్ చేసుకుని Bring to Front క్లిక్ చేయడం వల్ల అన్ని లేయర్ల కంటే ముందు ఉంటుంది.

Send to Back (Shift+Ctrl+[ )
ఈ ఆప్షన్ క్లిక్ చేస్తే అన్ని లేయర్ల కంటే వెనక్కి వెళుతుంది.

Align Objects (Shift+Ctrl+E)
రెండు Objects ను తీసుకుని సెలక్ట్ చేసి Align Objects ఆప్షన్ క్లిక్ చేస్తే తదనుగుణంగా క్రింది విధంగా విండో ఓపెన్ అవుతుంది. దానిలో కుడి ప్రక్క, ఎడమ ప్రక్క మీకు నచ్చిన ఆప్షన్స్ సెట్ చేసి Ok చేయండి. మీరు తీసుకున్న Objectsని గమనించండి.

గ్రూప్ చేయడం (Ctlr+G)
మనం డాక్యుమెంట్లో ఉపయోగించిన లేయర్లను అన్నింటిని లేదా మనకు కావలసిన వాటిని సెలక్టు చేసుకుని Group క్లిక్ చేస్తే అన్ని ఒక లేయర్ క్రింద మారిపోతుంది.

Ungroup (Shift+Ctlr+G)
గ్రూప్ చేసిన దానిని క్లిక్ చేసి Ungroup ఆప్షన్ క్లిక్ చేస్తే మరళ తిరిగి విడి విడి లేయర్లగా మారిపోతుంది.

Mask (Ctlr+6)
ఒక బాక్స్, ఒక ఇమేజ్ తీసుకోండి. బాక్స్ పై ఇమేజ్ను ఉంచండి.
రెండిటిని సెలక్ట్ చేసి Mask అప్లై చేయండి అపుడు ఎంత పెద్ద ఇమేజ్ అయినా మీరు తీసుకున్న బాక్స్ షేప్లో మాత్రమే కనబడుతుంది. తరువాత ఇమేజ్ ఏ భాగం కనబడాలో జరుపుకుంటే సరిపోతుంది. అలాగే చిన్నగా కనబడాలంటే సైజు తగ్గించుకుంటే సరిపోతుంది.

Unmask (Shift+Ctlr+6)
మాస్క్ చేసిన వాటికి మాస్క్ ను తొలగించడానికి ఈ ఆప్షన్ ఉపయోగపడుతుంది.

Rounded Corners
ఒకోసారి మనకు బాక్స్ చివరల గుండ్రంగా కావాల్సి ఉంటుంది. ఉదాహరణకు క్రింది బాక్స్ని చూడండి.